2 mijë e 158 raste aktive me COVID-19

Në Kosovë numri i rasteve aktive me COVID-19 është 2 mijë e 158 raste.
Numri i përgjithshëm i të shëruarve është 105 mijë e 765, ndërkaq nga fillimi i pandemisë kanë vdekur 2 mijë e 271 persona.
Me rritjen e numrit të rasteve të reja COVID-19, në Klinikën Infektive është shtuar edhe numri i pacientëve që kërkojnë trajtim mjekësor.
Kështu ka bërë të ditur një ditë më parë drejtori i Klinikës Infektive, Arben Vishaj.
Aktualisht në këtë Klinikë po marrin trajtim mjekësor 45 pacientë, prej të cilëve tre janë në mjekim intensiv dhe në gjendje më të rëndë, ndërsa 28 të tjerë janë me oksigjeno-terapi.