24 vjet nga masakrat në Izbicë e Podujevë
Sot bëhen 24 vjet nga masakra e Izbicës, ku më 28 mars 1999, forcat policore dhe ushtarake serbe, pas rrethimit të mijëra civilëve të fshatit Izbicë dhe vendbanimeve përreth, veçuan 147 burra të rinj dhe pleq, të cilët i vranë dhe i masakruan, ndërsa pjesën tjetër e dëbuan jashtë Kosovës.
Masakra e Izbicës hyn në radhën e krimeve më të rënda të shtetit të Serbisë, ku vrasja masive, përdhosja e trupave dhe varrimi i tyre, përmes pamjeve satelitore, u bë lajm botëror.
Në të njëjtën ditë, Kosova kujton edhe 14 anëtarët e familjeve Bogujevci, Duriqi e Llugaliu, të vrarë në Podujevë.
Sot 24 vjet pas këtyre krimeve askush nga autorët dhe ekzekutuesit serbë nuk doli para drejtësisë vendore dhe asaj ndërkombëtare.
Lexim me zë
Dëshiron ta dëgjosh këtë lajm me zë?