26 vjeçari vdes në aksident trafiku
Mërgimtari nuk i ka përballuar lëndimet e marra
Në magjistralen Prishtinë-Ferizaj, sot rreth orës 04:50 është raportuar për një aksident trafiku, ku ka humbur jetën një person.
Sipas raporteve të para, rasti ka ndodhur kur ngasësi i veturës BMW me targa të Norvegjisë ( F.S. m/sh/shtetas i Norvegjisë , 26 vjeç), duke mos e përshtatur shpejtësinë e lëvizjes kushteve të rrugës, me pjesën e përparme të automjejtit ka goditur rrethin dhe pastaj është rrotulluar , me ç’rast ka pësuar lëndime të rënda trupore.
Të lënduarit fillimisht i është dhënë ndihma mjekësore në Emergjencën e Ferizajt, e pastaj është dërguar në QKUK Prishtinë, ku pas një kohe ka ndërruar jetë.
Sipas Policisë, me këtë rast janë duke u marr hetuesit e Njësitit të trafikut rrugor./21Media