30 ditë paraburgim burrit që e rrahu gruan e tij

Dyshohet se për pesë ditë ka ushtruar dhunë ndaj gruas së tij

Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 ditësh të pandehurit me inicialet B. B.

Sipas kumtesës për media, i pandehuri dyshohet se nga data 14.12.2018 deri më datë 19.12.2018, ka ushtruar dhunë sistematike ndaj bashkëshortes së tij, duke përdorur edhe mjete të ndryshme, me ç’rast i ka shkaktuar lëndime të lehta trupore, kjo konstatohet edhe në raportin e lëshuar nga emergjenca e Spitalit Regjional të Gjilanit.

Sipas komunikatës, me këto veprime i pandehuri ka kryer veprën penale lëndim i lehtë trupor.

Gjyqtari pas shqyrtimit të shkresave të lëndës, ka konsideruar se janë përmbushur kushtet për caktimin e masës së paraburgimit, pasi që i njëjti po të gjendet në liri, mund të përsërisë veprën.

Palët kanë të drejtën e ankesës ndaj këtij vendimi në Gjykatën e Apelit./21Media

Back to top button