Kandidatë për deputetë të akuzuarit për terrorizëm
Aktivistët e VV akuzohen për sulmin ndaj ndërtesës së Kuvendit të Kosovës
Katër aktivistët e Lëvizjes Vetëvendosje Frashër Krasniqi, Egzon Haliti, Adea Batusha dhe Atdhe Arifi të cilët janë të akuzuar për terrorizëm, do të jenë kandidatë për deputet në Kuvendin e Kosovës, nga kjo parti politike.
Lajmin e ka bërë të ditur vetë Krasniqi, përmes një postimi në Facebook, ku ka shkruar se sapo është njoftuar për këtë vendim.
“I falënderoj të gjithë aktivistët e VETËVENDOSJE!-s për solidaritetin e jashtëzakonshëm që kanë treguar këta 9 muaj prej kur jemi nën arrest. Më 11 qershor, ndryshimi do të ndodh. Ky ndryshim, do t’i hapë rrugët që drejtësia për Astritin të vihet në vend”, ka shkruar Krasniqi.
Aktivistët e VV akuzohen për sulmin ndaj ndërtesës së Kuvendit të Kosovës, të bërë më 5 gusht të vitit të kaluar, ndërsa kanë të caktuar masën e arrestit shtëpiak./21Media