4 mijë e 300 biznese u mbyllën për katër muaj

Kryesisht pësojnë subjektet në sektorin e tregtisë

4 mijë e 300 subjekte kanë kaluar në status pasiv në Shqipëri gjatë periudhës janar – prill të këtij viti.

Sipas të dhënave të Drejtorisë së Tatimeve rezulton se ka një rritje me rreth 7% krahasuar me të njëjtën periudhë të vitit të shkuar, të bizneseve që aplikojnë për të mbyllur aktivitetin.

Prej vitit 91 rezulton se në vend kanë kaluar në statusin pasiv 120 mijë subjekte. Kryesisht janë subjekte në sektorin e tregtisë.

Kryeqyteti mban peshën kryesore të ndjekur nga Durrësi.

Biznesi i vogël është më i prekuri nga kjo situatë një fakt ky që është konstatuar edhe në një vrojtim të Bankës së Shqipërisë.

Përfshirja e biznesit të vogël në TVSH ishte një tjetër kosto e shtuar për këto subjekte, madje Fondi Monetar Ndërkombëtar në raportin e fundit theksoi se futja e bizneseve deri në 2 mln në TVSH nuk ishte zgjidhje pasi rriti kostot për këto subjekte, por edhe për administratën tatimore.

Sipas të dhënave të Drejtorisë së Tatimeve rezulton se muaji janar ishte me nivelin më të lartë të subjekteve që kanë aplikuar për të kaluar në status pasiv.

Biznese me status pasiv:

Janar –prill 2019, 4300 subjekte

Janar-prill 2018, 3930 subjekte.