5 raste të dhunës në familje brenda një dite në Kosovë

Brenda 24 orëve, në Kosovë janë raportuar pesë raste të dhunës në familje.

Të arrestuar janë katër persona.

Rastet e dhunës në familje i gjeni më poshtë:

Rahovec – Raportohet se ankuesja femër kosovare është sulmuar fizikisht nga kunata e saj, me probleme psikike. E dyshuara është arrestuar dhe pas intervistimit me vendim të prokurorit është dërguar në mbajtje.

Gjakovë – Është arrestuar i dyshuari mashkull kosovar, pasi që i njëjti pas një mosmarrëveshje kishte sulmuar fizikisht bashkëshorten e tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje.

Gjakovë – Raportohet se janë arrestuar dy të dyshuar meshkuj kosovarë, pasi që të njëjtit kanë ushtruar dhunë ndaj nënës dhe motrës së tyre. Me vendim të prokurorit, të dyshuarit dërgohen në mbajtje.

Fushë Kosovë, 01.03.2025-15:00. Është arrestuar i dyshuari mashkull  kosovar pasi që, i njëjti pas një mosmarrëveshje kishte sulmuar fizikisht  motrën e tij. Viktima ka pranuar tretman mjekësor dhe e njëjta është dërguar në strehimore, ndërsa i dyshuari pas intervistimit me vendim të prokurorit është dërguar në mbajtje.

Pejë 05.03.2025-14:20. Është raportuar se viktima femër kosovare, ka  pësuar dhunë psikike nga bashkëshorti i saj i dyshuari mashkull  kosovar. Me vendim të prokurorit, pas intervistimit viktima është dërguar në shtëpi të sigurt, ndërsa i dyshuari është liruar në procedurë të rregullt.