82 vjeçarja thotë se të qenurit larg burrit 36 vjeç po i shkakton “dhimbje të zemrës”

Një gjyshe britanike ka tronditur publikun kur ndau detaje nga martesa e saj me egjiptianin 46 vjeç më të ri, ndërsa, ka thënë se të qenit e ndarë prej tij është “vdekje”.
Iris Jones, 82 vjeç, është zotuar të shkojë në Egjipt për të qenë me bashkëshortin e saj, Mohamed Ahmed Ibriham, 36 vjeç.
Iris, e cila u takua me Mohamedin në Facebook në vitin 2019 përpara se të shkonte në Egjipt për të qenë me të përpara se të martoheshin me njëri-tjetrin në nëntor 2020, e përshkroi dhimbjen e saj ‘të pabesueshme’ pasi pandemia e mban çiftin të ndarë ndërsa ata presin nëse ai do të lejohet të transferohet në Britani, transmeton rtv21.tv.
Marrëdhënia e çiftit ra në qendër të vëmendjes vitin e kaluar kur Iris shkoi në emisionin “This Morning” të ITV për të diskutuar diferencën e madhe të moshës dhe përfundoi duke zbuluar detaje të jetës së tyre seksuale.
“Unë nuk kam moshën në anën time. Mund të vdes nesër. Çdo ditë është e çmuar. Është e tmerrshme të jesh e ndarë”, shtoi ajo.
Duke mohuar se po mashtrohet ajo tregoi se ata i kanë ndarë të gjitha shpenzimet e tyre 50:50.
Mohamed punoi si inspektor saldimi, por hoqi dorë nga puna për të kaluar kohë me Irisin kur ajo shkoi në Kajro.
Ai jeton në një shtëpi me tre dhoma me prindërit e tij plus dy motrat dhe një vëlla.
Iris, një ish-pastrues, jeton në një shtëpi njëkatëshe prej 220,000 £ dhe ia del me një pension 200 £ në javë.
“Nuk më intereson se ku jetojmë apo sa e pasur apo e varfër është ajo, thjesht dua të jem me Irisin. Në fund të fundit, se cilin vend dëshiron ta bëjë shtëpinë e saj është zgjedhja e saj; mund të jetë ose Britania ose Egjipti”, tha Mohamed.
“Njerëzit mendojnë se jam me të për të gjitha arsyet e gabuara. E di që Britania është një vend i bukur dhe shumë njerëz duan të shkojnë atje, por unë nuk shqetësohem. Unë jam i përgatitur të jetoj me të kudo në botë”, u shpre ai tutje.
Mohamed zbuloi se gjatë vizitës së saj në Egjipt ai e mori Irisin në shtëpi për darkë, ku ajo kaloi kohë me nënën e tij.
“Nëna ime e pëlqente shumë Irisin dhe ata shkuan mirë edhe pse kishte një problem gjuhësor. Por nëna ime më tha që nëse unë jam i lumtur, atëherë ajo është e lumtur”, ka përfundar ai./21Media