​Gjykatësi refuzon kërkesën e aktorit të njohur mbi akuzat për vrasje

Një gjykatës i shtetit të New Meksikos ka refuzuar kërkesën e Alec Baldwin për të hedhur poshtë akuzën e vetme kundër tij për të shtënat fatale në xhirimet e filmit “Rust”, duke e çuar çështjen në një seancë dëgjimore këtë verë.

Të premten, gjykatësja Mary Marlowe Sommer mbështeti një aktakuzë që akuzonte Baldwin për një vrasje nga pakujdesia në vdekjen e kinematografes Halina Hutchins në 2021.

Prokurorët specialë mohuan akuzat se procedurat e jurisë së madhe ishin prishur dhe thanë se Baldwin kishte bërë përpjekje “të paturpshme” për t’i shpëtuar fajit, duke theksuar polemika në deklaratat e tij për zbatimin e ligjit, për rregullatorët e sigurisë në punë dhe në një intervistë televizive.

Vendimi i së premtes heq një nga pengesat e fundit për prokurorët për të sjellë Baldwin në gjyq në korrik.