Kurti takon Erdoganin
(Lajm i përditësuar)
Kryeministri i Kosovës, Albin Kurti, ka arritur në Anakara. Ai është pritur nga presidenti turk, Recep Tayyip Erdogan në Kompleksin Presidencial.
Kjo është hera e dytë që Kurti takohet me presidentin turk, pas takimit të vitit 2023 në Stamboll.
Kreu i Qeverisë kosovare ka udhëtuar të enjten drejt Ankarasë dhe në Turqi do të jetë deri më 3 qershor.
President @RTErdogan received Prime Minister Albin Kurti of Kosovo at the Presidential Complex. pic.twitter.com/hljvSut6pa
— Presidency of the Republic of Türkiye (@trpresidency) May 31, 2024
Kurti udhëton për në Turqi, do të takohet me Erdoganin
Kryeministri i Kosovës, Albin Kurti, i shoqëruar nga zëvendëskryeministri i parë, Besnik Bislimi, dhe zëvendëskryeministrja Emilija Rexhepi ka udhëtuar mbrëmë drejt Turqisë.
“Në kryeqytetin e Turqisë, në Ankara, ai do të mirëpritet nga Presidenti i Republikës së Turqisë, Recep Tayyip Erdoğan, si dhe do të takohet me Ministrin e Punëve të Jashtme, Hakan Fidan. Qëndrimin në Turqi, kryeministri Kurti do ta vijojë në Stamboll, ku do të marrë pjesë në forumin e parë ekonomik të bizneseve ndërmjet Kosovës dhe Turqisë”, thuhet në njoftimin e Qeverisë./21Media