Tajlanda nga sot heq vizat për qytetarët e Kosovës

Ministrja e Punëve të Jashtme, Punës dhe Diasporës (MPJD), Donika Gërvalla, ka njoftuar se Tajlanda ka hequr vizat për qytetarët e Kosovës.

Përmes, një postimi në profilin e saj në rrjetin social Facebook, Donika Gërvalla ka shkruar se qytetarët e Republikës së Kosovës mund të udhëtojnë pa viza edhe në Tajlandë.

“Nga sot, qytetarët e Republikës së Kosovës mund të udhëtojnë pa viza edhe në Tajlandë. Ky është edhe një hap më shumë në fuqizimin e pasaportës së Republikës sonë dhe subjektivitetit ndërkombëtar të Kosovës”, ka shkruan Donika Gërvalla.

Sipas Donika Gërvallës, kjo arritje reflekton përkushtimin tonë të vazhdueshëm për të zgjeruar mundësitë ndërkombëtare dhe për të forcuar lidhjet diplomatike me shtetet anembanë botës.