Detaje për rastin e mashtrimit me viza: E arrestuara dyshohet se mashtroi së paku 9 persona
(Lajm i përditësuar)
Policia e Kosovës ka dhënë detaje për arrestimin e një gruaje në Prishtinë pasi dyshohet se ka mashtruar persona duke ju premtuar terminë për viza pune.
E dyshuara është A.B, e moshës 35 vjeçare dhe dyshohet se ka marrë së paku nga 9 persona para duke ju premtuar atyre terminë për viza pune.
Në njoftim bëhet e ditur se janë sekuestruar disa persona, dy telefona, një shtëpizë kompjuteri dhe para.
Policia bën të ditur se ka dyshime që mashtrimi mund të ketë ndodhur në vazhdimësi për një periudhë të gjatë kohore dhe dyshohet se numri i personave të mashtruar nga personat e dyshuar mund të jetë më i madh se sa numri i raportuar.
Andaj, ka kërkuar nga qytetarët që mund të kenë qenë viktimë e rasteve të tilla të lajmërohen në stacionin më të afërt policor, për të ndihmuar policinë drejt hetimit përfundimtar.
Njoftimi i plotë:
Hetuesit e Njësitit të Hetimeve të Përgjithshme në Prishtinë, mbrëmë ( menjëherë pas raportimit të rastit), kanë arrestuar një person të dyshuar për veprën mashtrim.
E dyshuara:
– A.B. femër 35 vjeç, shtetase e Republikës së Kosovës, me vendim të prokurorit , është dërguar në mbajtjes për 48 orë, pasi që dyshohet të kenë marrë nga së paku 9 persona, shuma të ndryshme parash, duke ju premtuar termine për viza pune.
Lidhur me këtë rast policia ka sekuestruar:
-disa pasaporta
-2 telefona
– shtëpizë kompjuteri
-një shumë të parave etj.
Mbështetur në rezultate e para të hetimit, policia ka ngritur dyshimin e bazuar se mashtrimi mund të ketë ndodhur në vazhdimësi për një periudhë të gjatë kohore dhe dyshohet se numri i personave të mashtruar nga personat e dyshuar mund të jetë më i madh se sa numri i raportuar.
Andaj, kërkojmë nga qytetarët që mund të kenë qenë viktimë e rasteve të tilla të lajmërohen në stacionin më të afërt policor, për të ndihmuar policinë drejt hetimit përfundimtar.
Arrestohet një grua, mashtroi disa persona për viza pune në Gjermani
Një grua në Prishtinë është arrestuar nën dyshimin se ka mashtruar disa persona për terminë për viza punë ne Gjermani.
Sipas Policisë ajo dyshohet se e ka kryer veprën penale “mashtrim” nga viti 2023 deri tani.
“Lidhur me rastin është identifikuar dhe arrestuar e dyshuara femër kosovare, pasi që e njëjta kishte ushtruar aktivitet pa leje pune dhe e njëjta i kishte mashtruar disa persona për sigurim të terminëve për viza pune në Gjermani”, thuhet në raportin 24-orësh të Policisë.
Në zyrën e saj thuhet se janë sekuestruar dhjetëra pasaporta dhe dokumente të tjera.
“Në konsultim me prokurorin është verifikuar dokumentacioni në zyrën e të dyshuarës si dhe janë sekuestruar dhjetëra pasaporta me dokumente përcjellëse, dy telefona, një shtëpizë kompjuterike, para të gatshme si dhe dëshmi të tjera përmes së cilave dokumentohet aktiviteti i kundërligjshëm”, thuhet tutje në raport.
Pas intervistimit me vendim të prokurorit thuhet se e dyshuara është dërguar në mbajtje.