Grabitje e armatosur në një institucion mikrofinanciar në Prishtinë
Një grabitje nën kërcënimin e armës ka ndodhur sot në rrugën “Gazmend Zajmi”, në Prishtinë në një institucion mikrofinanciar.
Lajmin për portalin rtv21.tv, e ka konfirmuar zëdhënësja e Policisë për rajonin e Prishtinës, Flora Ahmeti.
“Sot rreth orës 08:30 është raportuar për një grabitje të ndodhur në një institucion mikrofinanciar,në rrugën “Gazmend Zajmi” në Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se një personi i maskuar nën kërcënim të armës ka grabitur një shumë të parave”, ka thënë Ahmeti.
Sipas Ahmetit, Policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim ndriçimin e rrethanave të rastit si dhe identifikimin dhe arrestimin e personit të dyshuar./21Media