Vuçiq: Faleminderit Putin për ftesën, por kemi mysafirë të rëndësishëm nga jashtë

Presidenti i Serbisë, Aleksandar Vuçiq, ka thënë se dhjetë ditë më parë ka marrë ftesë nga presidenti i Rusisë, Vladimir Putin, për t’iu bashkuar samitit të BRICS, i cili po mbahet nga 22 deri më 24 tetor në Kazan, por ka thënë se më pas ai do të presë mysafirë të rëndësishëm nga jashtë.

“Ne kemi shumë vizita të rëndësishme, siç thonë fëmijët – një turmë në zonën e penalltisë. Faleminderit njerëzve të BRICS për ftesën dhe Presidentit Putin. Kemi gjithashtu Nju Jork dhe tashmë e di që do të bisedoj me të paktën gjashtë presidentë dhe të paktën shtatë ose tetë kryeministra në margjinat e sesionit të Asamblesë së Përgjithshme të OKB-së”, u tha Vuçiq gazetarëve.

Ai kujtoi gjithashtu se Beogradi më 20 tetor feston 80 vjetorin e çlirimit, duke shtuar se atëherë do të organizohen programe dhe plane të shumta.