Kurti pret Clarkun: I jemi mirënjohës gjithmonë

Kryeministri i Republikës së Kosovës, Albin Kurti, mirëpriti në takim gjeneralin ëesley Clark, njëherësh ish-komandant suprem i NATO-s gjatë luftës në Kosovë.

“I shoqëruar nga i biri që i ka përtërirë emrin dhe bashkëpunëtorë nga vende të ndryshme, ushtaraku amerikan u interesua për planet zhvillimore të Republikës së Kosovës në një kohë të ndryshimeve dhe mundësive të mëdha në botë. Bashkë diskutuan përparimin që ka shënuar vendi ynë, për zhvillimet aktuale rajonale, dhe për mundësitë e bashkëpunimit. “, thuhet në njoftimin e Zyrës së Kryeministrit.

Bëhet e ditur se Kryeministri Kurti falënderoi gjeneralin Clark për interesimin e vazhdueshëm për vendin ,”për kontributin e tij të jashtëzakonshëm për çka i jemi mirënjohës gjithmonë.”

Në takim, kryeministri Kurti u shoqërua nga Shefi i Stafit, Luan Dalipi, dhe zëvendësministri i Ekonomisë, Getoar Mjeku.