Kurti: Gjatë qeverisjes tonë 100 mijë gra kanë hapur për herë të parë xhirollogari bankare

Kryeministri i Kosovës, Albin Kurti, ka thënë se gjatë qeverisjes së tij “100 mijë gra kanë hapur për herë të parë xhirollogari bankare”.

Kurti në kuadër të Ditës Ndërkombëtare të Gruas tha se politikat qeveritare kanë mbështetur “punësimin direkt të mbi 12 mijë grave”.

“Gjatë këtij mandati të parë të plto kemi bërë shumë hapa. Kemi mbështetur punësimin direkt të mbi 12 mijë grave. Mbështetëm punësimin e 4 mijë personave, mbi tyre 55% gra – të familjeve që s’kanë pasur asnjë të punësuar. 100 mijë gra kanë hapur për herë të parë xhirollogari bankare…Hapat tonë si shtet tregojnë fokus politik edhe konsistencë institucionaëe – jo pak sfida mbeten. Përvoja e vendit tonë mban një përvojë që nuk mohohet – një shoqëri e dalur nga një okupim i gjatë…e tash duket se betejën me lirinë individuale e ka si sfidë të radhës”, tha në mes tjerash ai.