Konfirmohet, eskorta e Albin Kurtit u godit me vezë në Skenderaj
(Lajm i përditësuar)
Konfirmohet, eskorta e Albin Kurtit u godit me vezë në Skenderaj
Një incident u raportua se ka ndodhur sot në Skenderaj gjatë vizitës së kryeministrit në detyrë Albin Kurti, i cili kishte shkuar për të marrë pjesë në përurimin e një çerdheje në këtë komunë.
Kjo tashmë është konfirmuar edhe nga dega e LVV-së në Skenderaj dhe po ashtu janë publikuar pamje, ndërsa akoma s’dihet kush qëndron prapa këtij veprimi.
Lidhur me këtë ka reaguar kryetari i degës se LVV-së në Skënderaj, Hysni Mehani.
Ai ka akuzuar Sami Lushtakun se qëndron prapa këtij veprimi.
“Lajmi i sotëm është perurimi i çerdhes në Skënderaj dhe punët e mira që po bën qeveria. 3.2 milionë të investuara nga Qeveria e Kosovës në Skënderaj vetëm gjatë këtij mandati. Sulmet e Sami Lushtakut me vezë janë dëshmi që ju ka lagë baruti, po ashtu dëshmi e mendësisë primitive që udhëheq me PDK në Skënderaj e fatkeqësisht krejt PDK-në.
“Ata që kanë gjuajtur me kallash kur fituan kur një pasardhësi të Jsharajve, nuk na bëjnë përshtypje kur gjuajnë me vezë.
Barutin e kanë lagur. Ide për zhvillimin e qytetit nuk kanë. Pronat për të vjedhur ju kanë harxhuar, po duan të fitojnë vemendje me skandale”, ka shkruar ai.
Policia deklarohet rreth raportimeve se eskorta e Kurtit u godit me vezë në Skënderaj
Është raportuar ditën e sotme nga mediat se eksporta e kryeministrit në detyrë, Albin Kurtit është goditur me vezë gjatë vizitës në Skënderaj.
Lidhur me rastin për portalin rtv21.tv nga Policia e Kosovës, në Mitrovicë kanë thënë se policia është duke mbledhur informacione në lidhje me këtë informatë.
Albin Kurti, sot shkoi në Skënderaj për përurimin e një çerdheje të re. Atje ai ishte bashkë me vartësen e tij, Arbërie Nagavci. /21Media
Dëshiron ta dëgjosh këtë lajm me zë?