Izmiri “në luftë” me flakët, evakuohen mbi 10 zona banimi

June 30, 2025Përditesimi i fundit: June 30, 2025

Turqia po përballet me vatrat më të mëdha të zjarrit në javët e fundit, me mijëra hektarë pyje të shkrumbuar dhe rrezik për banesa, pasuri dhe natyrë.

Era e fortë dhe kushtet e vështira atmosferike po bëjnë punën e zjarrfikësve dhe forcave ajrore edhe më të vështirë në qytetin bregdetar të Izmirit.

Autoritetet kanë evakuuar të paktën 10 lagje, shumica në Seferihisar, për shkak të përhapjes së shpejtë të flakëve të nxitura nga erërat që arritën deri në 120 km/h.

Siç shkruajn mediat turke, flakët kanë shkaktuar dëme të mëdha materiale.

Madje hiri nga flakët ka mbërritur edhe në ishullin e Patmosit në Greqi.

Sipas Ministrit të Mjedisit dhe Urbanizimit, Murat Kurum, 23 shtëpi dhe 47 njësi banimi janë shkatërruar, ndërsa 41 shtëpi dhe 25 stalla janë dëmtuar rëndë në provinca të tjera, si Bilecik.

Ndërkohë aeroporti “Adnan Menderes” në Izmir ndërpreu të gjitha fluturimet, përfshirë linja ndërkombëtare prej Londre, Kopenhagë, Koloni dhe Sofje. /vizionplus.tv

June 30, 2025Përditesimi i fundit: June 30, 2025
Back to top button