Shtetasi serb kapet në Bërnjak, kishte vulë të strukturave paralele

Njësitë policore kanë ndaluar një automjet me targa të Serbisë në pikën kufitare të Bërnjakut.

Ngjarja ka ndodhur rreth orës 23:50, kur gjatë kontrollit të detajuar, zyrtarët policorë kanë zbuluar dhe sekuestruar një vulë të strukturave paralele, e cila ishte e shkruar në gjuhën serbe.

I dyshuari, shtetas i Serbisë dhe drejtues i automjetit, është intervistuar nga ana e policisë. Me vendim të prokurorit kompetent, ai është liruar në procedurë të rregullt.

Rasti është kualifikuar si “Prodhimi dhe përdorimi i shenjave të etiketimit, masave dhe peshave të rreme”, dhe hetimet janë duke u zhvilluar nga njësitë përkatëse policore.