Seanca në Kuvendin e Shqipërisë nis me një minutë heshtje në nderim të Fatos Nanos

Deputetët e Kuvendit të Shqipërisë ditën e sotme kanë nderuar figurën e ish-kryeministrit Fatos Nano, i cili ndërroi jetë në moshën 73-vjeçare më 31 tetor.

Kryetari i Kuvendit, Niko Peleshi tha se Fatos Nano është një nga themeluesit e PS dhe do të kujtohet gjithmonë për kontributin e rëndësishëm që ka dhënë për demokratizimin e vendit.

”Kuvendi shpreh sot ngushëllimet më të sinqerta për ndarjen nga jeta të ish-kryeministrit Fatos Nano. Nano ishte një nga themeluesit e PS dhe ka shërbyer disa herë si kryeministër duke dhënë një kontribut të rëndësishëm në demokratizimin e vendit. Nano do të kujtohet si një figurë me ndikim dhe me ide që la gjurmë në thella në historinë e kombit tonë. Ju ftoj të mbajmë një minutë heshtje”, tha Peleshi./vizionplus