Hajdari i përgjigjet Xhakës: Kosovën e zgjodhëm me zemër
Futbollisti i ri i Kosovës dhe ish-lojtari i Zvicrës, Albian Hajdari, ka reaguar ndaj deklaratave të Granit Xhakës, i cili kishte thënë se ai dhe Leon Avdullahu zgjodhën Kosovën vetëm sepse nuk gjetën hapësirë te kombëtarja zvicerane.
Hajdari e hodhi poshtë këtë pretendim gjatë konferencës për media para ndeshjes Kosovë–Zvicër, duke theksuar se vendimi i tyre ka ardhur nga zemra.
“Unë dhe Leoni e kemi zgjedhur Kosovën me bindje dhe me dashuri. Ajo që ka thënë Granit Xhaka është thjesht mendimi i tij”, u shpreh ai.
Përballja e shumëpritur mes Kosovës dhe Zvicrës zhvillohet të martën mbrëma në orën 20;45 në stadiumin “Fadil Vokrri”, në ndeshjen e fundit kualifikuese për Botërorin 2026./21Media