Haradinaj: Sa më shumë që fuqizohet ushtria, do të ketë më pak posedim të armatimit
Ish-deputeti i Aleancës për Ardhmërinë e Kosovës, Daut Haradinaj, në “Click” të RTV21 ka thënë se sa më shumë që fuqizohet Ushtria e Kosovës, do të ketë interesim më pak që qytetarët të posedojnë armatim.
Teksa përmendi pytjen e një gjenerali amerikan lidhur me armët në Kosovë.
“Mund të ketë edhe sot edhe gjithmonë do të ketë, por në kohën kur është krijuar argumenti pse Kosova e meriton ushtrinë, ish kryeministri i asaj kohe, Ramush Haradinaj, në mesin e shumë miqve e shokëve, për aleatë, zyrtarëve të lartë iu ka thënë se njerzëit tanë kanë armë, posedojnë shumë armë në duar të civilëve. Pyetja e një gjenerali shumë të lartë amerikan ka qenë se çka iu duhet armët, përgjigja ka qenë ne nuk kemi ushtri, populli jonë mbrohet sepse mungon ushtria e Kosovës. Ne e kemi kriju ushtrinë dhe unë mendoj që armatimi tani e ka vendin në repartet, depotët, magazinat ku janë paraparë për mbrojtjen dhe sigurinë, dhe sa më shumë që fuqizohet, Ushtria e Kosovës, aq më pak do të ketë interesim tek qytetarët për me posedu armatim”, tha Haradinaj./21Media
Dëshiron ta dëgjosh këtë lajm me zë?