Plagoset një person në Pejë

Një person është plagosur të hënën në lagjen “Jarina” në Pejë.

Zëdhënësi i Policisë për rajonin e Pejës, Fadil Gashi konfirmoi për “Betimi për Drejtësi” se rreth orës 13:50 janë njoftuar për të shtëna me armë në Pejë.

Ai tha se i lënduari fillimisht është dërguar për trajtim në Spitalin e Pejës, e më pas në Qendrën Klinike Universitare të Kosovës.

Gashi tha se dyshohet se të përfshirë në rast kanë qenë dy të dyshuar, të cilët janë në kërkim nga Policia.