Taylor Swift kryeson nominimet për iHeartRadio Music Awards 2026

Taylor Swift ka kryesuar listën e nominimeve për iHeartRadio Music Awards 2026, duke u bërë artistja më e nominuar e këtij edicioni.

Ajo ka siguruar gjithsej nëntë nominime në kategori të ndryshme. Swift vitin e kaluar publikoi albumin “The Life of a Showgirl”, i cili pati sukses të jashtëzakonshëm dhe u rendit në krye të shumë top-listave muzikore.

Pas saj, me nga tetë nominime secili, vijnë Sabrina Carpenter, Bad Bunny dhe Alex Warren. Ceremonia do të mbahet në Dolby Theatre në Los Angeles dhe do të transmetohet drejtpërdrejt të enjten, më 26 mars, në FOX.

Ngjarja do të përcillet gjithashtu në të gjitha stacionet iHeartRadio në SHBA dhe në aplikacionin zyrtar.

Këtë vit, iHeartRadio Music Awards zhvillohet për herë të 13-të, duke festuar artistët dhe këngët më të dëgjuara gjatë vitit 2025 në platformat iHeartRadio, si dhe duke ofruar një pasqyrë të hiteve të mundshme të vitit 2026.

Shfaqja do të sjellë ndarje çmimesh në kategori të shumta, performanca live, të ftuar surprizë dhe bashkëpunime speciale, si dhe rrëfime të rrugëtimit të artistëve drejt suksesit.