Vedat Muriqi parakalon Juan Arango, bëhet golashënuesi i dytë më i mirë

Sulmuesi i Kombëtares së Kosovës, Vedat Muriqi, ka shënuar një tjetër moment të madh në karrierën e tij në Spanjë.

Muriqi ka parakaluar Juan Arango dhe është bërë golashënuesi i dytë më i lartë në histori të RCD Mallorca në La Liga EA Sports, një arritje historike për sulmuesin dardan, shkruan në rrjetin social LaLiga, transmeton KosovaPress.

Me këtë rekord, ai vazhdon të dëshmojë rëndësinë e tij te Mallorca dhe statusin si një nga lojtarët më të suksesshëm të Kosovës në elitën e futbollit spanjoll.