KEK rikthen në operim Njësinë A4 të TC “Kosova A”
Korporata Energjetike e Kosovës (KEK) ka njoftuar rikthimin në operim të Njësisë A4 të Termocentralit “Kosova A”, pas përfundimit të riparimeve në sistemin gypor të kaldajës dhe përgatitjeve teknike për startim.
Sipas KEK-ut, njësia është sinkronizuar me sukses në orët e mëngjesit, në përputhje me standardet e sigurisë dhe procedurat teknike.
Nga KEK është theksuar se ekipet e mirëmbajtjes kanë kontribuar në rikthimin e shpejtë të njësisë në funksion, duke siguruar vazhdimësinë e prodhimit të energjisë elektrike.
Njoftimi i plotë:
Njoftim – Rikthimi në operim i Njësisë A4 të TC Kosova A
Korporata Energjetike e Kosovës (KEK sh.a.) njofton opinionin se Njësia A4 e TC Kosova A është rikthyer me sukses në operim, pas përfundimit të punimeve të riparimit në sistemin gypor të kaldajës dhe krijimit të kushteve të nevojshme teknike për startim.
Startimi i njësisë, në përputhje të plotë me standardet teknike dhe të sigurisë, është realizuar në orët e hershme të mëngjesit, ndërsa procesi i sinkronizimit është realizuar me sukses rreth orës 09:00.
KEK shpreh falënderim të veçantë për të gjithë punonjësit, ekipet profesionale të mirëmbajtjes mekanike dhe mirëmbajtjes elektrike për profesionalizmin, përkushtimin dhe gatishmërinë e treguar gjatë gjithë procesit të sanimit dhe rikthimit të njësisë në operim.
Këto angazhime dëshmojnë përkushtimin e vazhdueshëm të KEK-ut dhe stafit të TC Kosova A për sigurimin e stabilitetit dhe besueshmërisë së prodhimit me energji elektrike.
Me respekt,
Departamenti për Marrëdhënie
me Publikun dhe Komunitete
KORPORATA ENERGJETIKE E KOSOVËS
Dëshiron ta dëgjosh këtë lajm me zë?