Studimi: Kolagjeni e mban lekurën elastike por nuk zhduk rrudhat
Një studim shkencor ka konkluduar në faktin se marrja e përditshme e suplementeve të kolagjenit mund të rigjallërojë lëkurën duke rritur elasticitetin dhe hidratimin ose lagështinë, por nuk do të ndalojë rrudhat.
Ekspertët shqyrtuan 113 prova që përfshijnë gati 8 mijë njerëz dhe arritën në përfundimin se format e ndryshme të kolagjenit ofrojnë disa përfitime për lëkurën nëse merren me kalimin e kohës, por nuk janë zgjidhje e shpejtë.
Nga ana tjetër, ka rezultuar se mund të lehtësojnë gjithashtu konsumimin, dhimbjen dhe ngurtësimin e kyçeve nga artriti, pasi ai mbështet dhe forcon lëkurën, thonjtë, kockat dhe indet lidhëse, duke përfshirë tendinat dhe kërcin.
Në fakt, kolagjeni është një lloj proteine që prodhohet natyrshëm në trup, por që zvogëlohet me moshën. Me kalimin e viteve trupi prodhon më pak kolagjen kolagjeni ekzistues zbërthehet me një ritëm pak më të shpejtë.
Disa faktorë përkeqësuaes të uljes së kolagjenit janë pirja e duhanit, dëmtimi nga dielli dhe nga menopauza, pasi sipas studiuesve gajtë menopauzës, lëkura e grave humbet edhe më shumë kolagjen rreth një të tretën e kolagjenit.
“Kolagjeni nuk është një kurë për të gjitha sëmundjet, por ka përfitime të besueshme kur përdoret vazhdimisht me kalimin e kohës, veçanërisht për lëkurën dhe osteoartritin. Gjetjet tona tregojnë përfitime të qarta në fushat kryesore të plakjes së shëndetshme, ndërkohë që hedhin poshtë edhe disa nga mitet që rrethojnë përdorimin e tij”, tha Prof. Lee Smith, një nga studiuesit kryesorë.
Smith thonë se marrja e kolagjenit përmirëson tonin dhe lagështinë e lëkurës e cila shoqërohet me një pamje më rinore.