Osmani: Nobel për Handke do të inkurajojë përkrahësit e gjenocideve
Handke sot pranon Çmimin Nobel
Nëkryetarja e Lidhjes Demokratike të Kosovës, Vjosa Osmani ka thënë se ndarja e Çmimit Nobel për Petër Handke do të ndikojë që përkrahësit e regjimeve gjenocidale të fshihen pas veprës artistike.
“Mohimi i gjenocidit nuk duhet të normalizohet, e lerë më të shpërblehet. Çmimi Nobel për Handke do të inkurajojë përkrahësit e regjimeve gjenocidale dhe kriminale që të fshihen pas veprës artistike dhe të justifikohen për fajësimin e viktimave në vend të kryerit të krimeve”, ka shkruar Osmani në rrjetin social ‘Twitter’, vetëm pak orë para ndarjes së Çmimit Nobel për laureatin e këtij viti, Peter Handke.
Genocide denial should not be normalized, let alone awarded. The NobelPrize for Handke will encourage supporters of genocidal & criminal regimes to hide behind artistic work and get justified for blaming the victims, instead of the perpetrators. pic.twitter.com/fMRnYudmsO
— Vjosa Osmani (@VjosaOsmaniPRKS) December 10, 2019
Çmimi prej 935,000 do t’i ndahet sot Handke ndërsa më vonë gjatë ditës do të mbahet pritja tradicionale.
Ndarja e Nobelit për Letërsi, Handkes, ngjalli shumë reagime në Ballkan e më gjerë për shkak të afërsisë se Handke me Sllobodan Millosheviq.
Kosova dhe Shqipëria kanë njoftuar se nuk do të marrin pjesë në ceremoni, e po ashtu pjesë nuk do të marrin as Turqia dhe Kroacia./21Media