BE-ja dërgon ndihmë në Turqi

Bashkimi Evropian ka nisur ndihmë për Turqinë të hënën, derisa edhe vullnetarët u janë bashkuar zjarrfikësve për t’u përballur me zjarret pyjore, që kanë lënë të vdekur tetë persona dhe kanë rritur presionin ndaj presidentit Recep Tayyip Erdogan.
Zjarret pyjore janë duke u zgjeruar në rajonet turistike të Turqisë, përkatësisht në brigjet e Mesdheut dhe Egjeut, duke shtyrë edhe evakuimin e turistëve nga hotelet, shkruan AP, përcjell rtv21.tv
Mirëpo kjo situatë ka ekspozuar edhe Erdoganin – që përballet me zgjedhje brenda dy vjetëve – me një valë të re kritikash për përgjigjen e tij ndaj situatës.
Lideri turk është kritikuar pasi gjatë fundjavës është parë duke iu hedhur banorëve lokalë qese çaji, përgjatë një vizite në zonat më të prekura nga zjarret.
Qeveria po ashtu ka bërë të ditur se nuk ka pasur plane paraprake për shuarje të zjarreve dhe është dashur të varet nga ndihma e huaj për t’u përballur me flakët.
Ministri i Jashtëm turk Mevlut Çavusoglu ka falëndruar Brukselin të hënën, për dërgim të një aeroplani nga Kroacia dhe dy nga Spanja.
Zjarrfikësit janë përballur të hënën edhe me disa zjarre lokale në ishullin grek Rhodes, ashtu sikurse edhe në disa pjesë të Italisë dhe Spanjës.
Ndryshe, të paktën tetë persona kanë vdekur si pasojë e zjarreve në Turqi./21Media