Zelensky: Do të shohim sot nëse funksionon marrëveshja me Rusinë

Presidenti i Ukrainës, Volodymyr Zelensky tha se do të bëhet e qartë të premten nëse palët ndërluftuese mund të krijojnë me sukses korridore humanitare për të ndihmuar civilët të shpëtojnë nga disa nga luftimet më të ashpra në vend.
Të dërguarit nga Rusia dhe Ukraina ranë dakord të vendosin korridoret gjatë bisedimeve në Bjellorusi të enjten.
“Sot do të shohim nëse marrëveshja funksionon,” tha Zelensky.
Zelensky pretendoi se forcat ukrainase po u shkaktonin humbje të mëdha trupave ruse. Ai tha se pothuajse 9,200 ishin vrarë dhe pranoi se Kremlini vazhdon të synojë Kievin, kryeqytetin, transmeton rtv21.tv.
“Kryeqyteti mbetet një objektiv kyç për pushtuesit. Por ata nuk do të na thyejnë”, tha Zelensky.
Presidenti rus Vladimir Putin ka pranuar viktima nga ana e tij./21Media