Gërvalla: Serbia ta bëjë të qartë qëndrimin e saj, nuk mund të ulesh më në dy karrige
Ministrja e Punëve të Jashtme dhe Diasporës, Donika Gërvalla ka folur në kuadër të Forumit të Diplomacisë në Antali i cili po mbahet në rrethanat e luftës në Ukrainë, e cila ka ngjallur shqetësim dhe pasiguri në veçanti në Ballkanin Perëndimor.
Gërvalla mori pjesë në panelin ”Dialogu për pajtim në Ballkan”, ku ka ofruar pozicionin e Kosovës në raport me dialogun, raportet fqinjësore e rajonale, si dhe përpjekjet dhe përkushtimin e Kosovës në procesin e integrimit dhe anëtarësimit në Bashkimin Evropian.
”Pesë nga gjashtë shtetet e Ballkanit Perëndimor janë rreshtuar qartë në krah të Evropës dhe botës dhe e kanë dënuar invazionin rus në Ukrainë. Ёshtë edhe një, Serbia, e cila nuk e ka bërë këtë dhe duhet ta bëjë të qartë qëndrimin e saj. Sot nuk mund të ulesh më në dy karrige, edhe me Rusinë, edhe me Evropën në të njejtën kohë”, ka thënë Gërvalla.
Krahas ministres Gërvalla, në këtë panel morrën pjesë edhe zëvendëskryeministri i Malit të Zi, z. Dritan Abazovic, ministri i Punëve të Jashtme të Maqedonisë së Veriut, z. Bujar Osmani, ministrja për Evropë dhe Punë të Jashtme e Republikës së Shqipërisë, znj. Olta Xhaçka, përfaqësuesi i Lartë për Bosnjë-Hercegovinën, z. Christian Schmidt, përfaqësuesi i Posaçëm i BE-së për Dialogun Beograd-Prishtinë, z. Miroslav Lajcak.
Në kuadër të Forumit të Diplomacisë, ministrja Gërvalla do të zhvillojë takime bilaterale me homologë të shteteve të ndryshme./21Media
Dëshiron ta dëgjosh këtë lajm me zë?