Britania do të vendosë sistem raketor dhe 100 trupa në Poloni

Britania e Madhe do të vendosë sistemin raketor Sky Saber në Poloni, së bashku me 100 trupa, tha Sekretari i Mbrojtjes Ben Wallace.
Në fillim të kësaj jave, të paktën 35 persona u vranë në një sulm ajror rus në bazën stërvitore Yavoriv, ​​pranë një pike të madhe kalimi në Poloni, e përdorur nga refugjatët nga konflikti.
Sekretari i Mbrojtjes Ben Wallace e bëri njoftimin të enjten gjatë një vizite në Varshavë, transmeton rtv21.tv.
Kjo vjen ndërsa NATO po lëviz për të forcuar sigurinë e krahut të saj lindor pas pushtimit rus të Ukrainës.
“Ne do të vendosim sistemin e raketave anti-ajrore Sky Saber me rreze të mesme veprimi në Poloni me rreth 100 personel për t’u siguruar që ne të qëndrojmë përkrah Polonisë, duke mbrojtur hapësirën e saj ajrore nga çdo agresion i mëtejshëm nga Rusia”, tha Wallace në një konferencë për media./21Media