Nga e hëna Rusia planifikon të kufizojë hyrjen në Mariupol

Mariupol do të mbyllet plotësisht për hyrje dhe dalje nga e hëna, duke mbyllur potencialisht qytetin dhe duke parandaluar evakuimet e mëtejshme humanitare.

Kështu ka bërë të ditur një këshilltar i kryebashkiakut të qytetit, Petro Andryushchenko, i cili ka thënë se forcat ruse planifikojnë të ndalojnë njerëzit të largohen ose të hyjnë në Mariupol duke filluar nga 18 prilli.

”Unë kam folur me nënkryetarin e bashkisë Serhii Orlov, i cili thotë se një mbyllje e tillë ka qenë tashmë në fuqi për katër ose pesë ditët e fundit. Orlov nuk është më në Mariupol, por sugjeroi se kishte kontakte me ata që janë. Ai më tha se Rusia planifikon të zgjasë politikën për një javë. Ai shtoi se beson se forcat ruse planifikojnë të zbatojnë rregulla “më strikte” brenda qytetit që përfshijnë pikat e kontrollit për të monitoruar dhe kufizuar lëvizjen midis rretheve”, tha ai./21Media