Ushtarëve ukrainas në Azovstal po u mbaron ushqimi e uji

Ushtarët ukrainas të bllokuar në fabrikën e çelikut Azovstal në Mariupol kanë mbetur me shumë pak ushqim dhe ujë të pijshëm, raporton agjencia ukrainase e lajmeve Unian, duke cituar gratë e mbrojtësve.
“Unë fola me burrin tim dje. Ai tha se bombardimet vazhdojnë pa pushim dhe se ato pothuajse nuk dalin kurrë në sipërfaqe. Dhe kur dalin jashtë, përpiqen të gjejnë ujë dhe ushqim. Ata janë mjaft pesimistë, po përgatiten për betejën finale sepse nuk besojnë në zgjidhjen diplomatike të kësaj çështjeje. Shumicën e kohës ata qëndrojnë në bunker sepse ka bombardime të vazhdueshme. Këto janë bomba prej tre tonësh, sulme të pandërprera ajrore, artileri detare dhe tokësore, si dhe tanke. Ato mund të qëndrojnë nën tokë deri në tre ditë rresht”, ka thënë Yuliya, gruaja e ushtarakut Arseniy Fedosyuk.
Sipas grave të ushtarëve, ka shumë pak ujë në Azovstal dhe burrat e tyre duhet të pinë ujë shërbimi të përdorur më parë për funksionimin e uzinës.
“Ne patëm një telefonatë disa orë më parë. Unë u godita nga lajmi se ata [rusët] po hedhin bomba fosforike në Azovstal”, ka thënë Kateryna, gruaja e komandantit të regjimentit Azov Denys Prokopenko./21Media