Ku kanë shkuar miliona refugjatë ukrainas?

Më shumë se 13 milionë njerëz janë larguar nga shtëpitë e tyre që nga pushtimi i Ukrainës nga Rusia, siç kanë njoftuar Kombet e Bashkuara (OKB).
Më shumë se pesë milionë janë larguar për në vendet fqinje, ndërsa tetë milionë njerëz mendohet se janë zhvendosur brenda vetë Ukrainës.
Megjithatë, qindra mijëra janë kthyer në vendin e tyre – veçanërisht në qytete si Kievi.
Ku po shkojnë refugjatët?
Në shifrat e përditësuara, OKB-ja thotë se që nga 16 qershori , më shumë se 5.1 milionë refugjatë nga Ukraina janë regjistruar në të gjithë Evropën. Më shumë se 3.2 milionë kanë aplikuar për qëndrim të përkohshëm:
Rusi : 1,230,800 refugjatë ukrainas të regjistruar
Polonia : 1,169,497
Rumani : 90,297
Moldavia : 85,497
Sllovakia : 78,307
Hungari : 24,452
Bjellorusia : 9006
Të tjerët kanë lëvizur në destinacione të tjera, veçanërisht ata që kaluan në Poloni, Hungari dhe Sllovaki. Këto vende kanë kufij të hapur me vendet e tjera të BE-së .
OKB thotë se ka më shumë se 780,000 ukrainas në Gjermani, 373,965 në Republikën Çeke dhe 129,623 në Itali.
Disa ukrainas udhëtuan në Rusi nga rajonet pro-ruse të Luhanskut dhe Donetsk.
Presidenti Vladimir Putin thotë se forcat e tij ndihmuan në evakuimin e 140,000 civilëve nga Mariupol dhe këmbëngul se askush nuk u detyrua të shkonte në Rusi. Megjithatë, grupet vullnetare thonë se kanë ndihmuar qindra ukrainas të largohen nga Rusia./21Media