Rusia sanksionoi gruan dhe vajzën e Bidenit

Rusia zgjeroi të martën ‘listën e saj të ndalimit’ të SHBA-së, duke përfshirë në të gruan dhe vajzën e presidentit Joe Biden, Jill dhe Ashley, si dhe figura të tjera të shquara.

Ministria e Jashtme ruse në muajt e fundit ka përpiluar një listë të individëve dhe subjekteve të huaja që beson se kanë promovuar një axhendë “rusofobike”.

Ata që i shtohen listës u ndalohet hyrja në vend për një kohë të pacaktuar, shkruan Dailymail.

Biden dhe familja e tij iu bashkuan një sërë senatorëve amerikanë në listë, duke përfshirë Susan Collins nga Maine, Mitch McConnell nga Kentucky, Charles Grassley nga Iowa dhe Kirsten Gillibrand nga New Yorku.

Lista e zezë përfshinte gjithashtu disa profesorë dhe studiues universitarë dhe ish-zyrtarë të qeverisë amerikane.

Hapi u ndërmor “si një përgjigje ndaj sanksioneve gjithnjë në zgjerim të SHBA kundër figurave politike dhe publike ruse”, tha ministria në një deklaratë.

Ai vjen vetëm një ditë pasi SHBA njoftoi një sërë sanksionesh të tjera që synojnë të gjymtojnë përpjekjet ruse të luftës duke kufizuar aksesin e Rusisë në teknologji, tregjet globale dhe tregtinë, ndërsa ngrijnë asetet e elitave të përfshira në regjimin e Vladimir Putinit./21Media