Pendarovski shpreh ngushëllime pas vdekjes së Mbretëreshës Elizabeth II

Presidenti i Maqedonisë së Veriut, Stevo Pendarovski përmes një shkrimi në rrjetet sociale ka shprehur ngushëllimet e tij për familjen mbretërore pasi sonte ndërroi jetë Mbretëresha Elisabeth II, përcjell TV21.
Pendarovski ka shkruar se vepra e saj do të jetë frymëzim për gjeneratat e reja.
“Ngushëllimet e mia më të thella për ndarjen nga jeta të Madhërisë së Saj, Mbretëreshës Elizabeth II. Angazhimi i saj i përjetshëm për t’i shërbyer popullit, përkushtimi dhe lidershipi edhe në momentet më të vështira do të jetë një frymëzim i qëndrueshëm për brezat e rinj”, ka shkruar Pendarovski, shkruan TV21./21Media