Dy të lënduar nga aksidenti mes një kamioni e një veture
Sot gjatë mesditës ka ndodhur një aksident trafiku në Lipjan, ku si pasojë dy persona kanë pësuar lëndime trupore.
Lajmin për portalin rtv21.tv e ka konfirmuar zëdhënësi i Policisë për rajonin e Prishtinës, Agron Borovci.
“Nga informatat e para bëhet e ditur se një veturë dhe një kamion janë përfshirë në aksident ndërkaq dy persona kanë pësuar lëndime trupore. Të njëjtëve u është ofruar trajtimi i nevojshëm mjekësor”, ka thënë Borovci.
Ai tutje ka thënë se njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti. /21Media
Lexim me zë
Dëshiron ta dëgjosh këtë lajm me zë?