Nëntë të vdekur nga rrëzimi i dy helikopterëve të ushtrisë amerikane

Nëntë persona kanë humbur jetën pasi dy helikopterë të ushtrisë amerikane u rrëzuan mbrëmjen e së mërkurës në shtetin e Kentakit, raportojnë mediat amerikane.

Incidenti përfshiu Divizionin 101 Ajror dhe ndodhi gjatë një misioni stërvitor pranë një baze ushtarake.

Guvernatori i shtetit, Andy Beshear, tha se përplasja ishte “lajm i vështirë” dhe paralajmëroi për viktima.

Zyrtarët konfirmuan nëntë vdekjet, sipas The Washington Post dhe ABC News.

Përplasja ndodhi rreth orës 21:35 me orën lokale (01:35 GMT) në zonën e Trigg County, afër bazës së madhe ushtarake Fort Campbell./21Media