26 parti opozitare bashkohen kundër Narendra Modit për zgjedhjet parlamentare në Indi

26 parti opozitare indiane kanë bashkuar forcat për të formuar një aleancë të quajtur “INDIA” për të përballur partinë qeverisëse të kryeministrit Narendra Modi Bharatiya Janata (BJP) në zgjedhjet parlamentare të vitit të ardhshëm.

Vendimi u njoftua sot në fund të një takimi dy-ditor të 26 partive në qytetin jugor të Bengaluru.

Mallikarjun Kharge, president i partisë kryesore opozitare të Kongresit, tha se INDI qëndron për “Aleancën Përfshirëse Zhvillimore Kombëtare Indiane”.

“India do të bashkohet, INDIA do të fitojë”, tha udhëheqësi i Kongresit Rahul Gandhi.

Zgjedhjet kombëtare janë planifikuar të mbahen në prill dhe maj të vitit të ardhshëm, raporton AlJazeera, përcjell rtv21.tv.

Ndërkohë, një takim i koalicionit qeverisës të udhëhequr nga BJP – i quajtur Aleanca Demokratike Kombëtare (NDA) – po mbahet gjithashtu në kryeqytetin Nju Delhi. Modi po merr pjesë në takimin e NDA, i cili erdhi menjëherë pasi liderët e opozitës u takuan në Bengaluru. /21Media