A i ka ndryshuar Putini synimet e tij?

Rusia duket se i ka ulur ambiciet e saj, duke pretenduar se ka përmbushur përgjithësisht qëllimet e fazës së parë të pushtimit, të cilën ajo e përcaktoi si reduktim të konsiderueshëm të potencialit luftarak të Ukrainës.

Qëllimi kryesor është çlirimi i Donbasit duke iu referuar gjerësisht rajoneve lindore të Ukrainës, Luhansk dhe Donetsk. Më shumë se një e treta e kësaj zone ishte pushtuar nga separatistët e mbështetur nga Rusia në luftën e vitit 2014, shkruan bbc.

Rusia i dëshiron të gjitha, siç u shpreh nga presidenti Putin, kur ai e njohu të gjithë zonën se i përkiste dy shteteve ruse në prag të pushtimit. Ajo gjithashtu do të përpiqet të kontrollojë territoret ukrainase përgjatë bregut jugor, në lindje nga Krimea deri në kufirin rus.

Dhe kërkesa e tij më e gjerë ka të bëjë ende me sigurimin e neutralitetit të Ukrainës në të ardhmen./21Media