Abdixhiku e paralajmëron “Turneun e Ndryshimit”

Kryetari i LDK-së ka paralajmëruar se do të nisin ciklin e tubimeve paraelektorale me qytetarë.
Ai thënë se zgjedhjet e ardhshme e përcaktojnë fatin e Kosovës.

“Zgjedhjet e ardhshme përcaktojnë më shumë se sa fatin e një qeverie. Ato përcaktojnë fatin e vet Kosovës; si një vend i njerëzve të lirë që punojnë e jetojnë mirë, apo i një shteti të mbyllur, në zbrazje e përplasje tensionuese të pafundme! Unë kam zgjedhur ndryshimin!”

Abdixhiku ka publikuar edhe datat dhe vendet ku do të mbahen këto tubime.

“Dhe nga Prishtina, me 7 nëntor, së bashku me ekipin tim po nisim ciklin e tubimeve paraelektorale me qytetarë në çdo anë. Po nisim ‘Turneun e Ndryshimit’! Ejani, të gjithë, në tubimet tona tek qytetet e juaja. Ejani, të bëhemi bashkë, në përcaktimin e së ardhmes që e meritojmë! Bëhu pjesë e rrugëtimit tonë plot shpresë! Bëhu ndryshimi!”, ka shkruar Abdixhiku./21Media