Abdixhiku ndan dekoratën “Dr. Ibrahim Rugova” për heroin Sali Çekaj

Në Hamburg të Gjermanisë sot është mbajtur akademia përkujtimore për nder të heroit të Kosovës, Sali Çekaj.

Kryetari i Lidhjes Demokratike të Kosovës (LDK), Lumir Abdixhiku ka thënë se në mes bashkëatdhetarëve e bashkëpunëtorëve të orëve të rënda, u rikujtua në 25 vjetorin e rënies heroike, gjithë kontributin jetësor të një njeriu që la gjurmë në kohë Sali Çekaj.

“Sot, në Hamburg të Gjermanisë, nën organizimin e Nëndegës 2 në këtë qytet, mbajtëm Akademinë Përkujtimore për nder të Heroit të Kosovës Sali Çekaj. Mes bashkëatdhetarëve e bashkëpunëtorëve të orëve të rënda, rikujtuam në 25 vjetorin e rënies heroike, gjithë kontributin jetësor të një njeriu që la gjurmë në kohë. Në këtë akademi, ndava dhe dekoratën ‘Dr. Ibrahim Rugova’ për Heroin Sali”, ka shkruar Abdixhiku në “Facebook”.

Tutje ai u shpreh se kjo mirënjohje të shërbejë si rikujtim për brezat e ardhshëm.

“Kjo dekoratë, le të shërbejë jo vetëm si mirënjohje për gjithë kontributin e tij për çlirim, por të shërbejë si rikujtim për gjithë brezat e ardhshëm se liria e vendit tonë është arritur me shumë mund e sakrificë nga burrat dhe gratë më të devotshme të kombit”, ka thënë Abdixhiku në fjalimin e tij”, përfundoi Abdixhiku./21Media