Afganët nuk lejohen më të shkojnë në aeroportin e Kabulit
Zëdhënësi i talebanëve, Zabihullah Mujahid ka bërë të ditur se talebanët nuk do t’i lejojnë më shtetasit afganë të shkojnë në aeroportin e Kabulit, për shkak të situatës kaotike atje.
Në një konferencë shtypi, ai ka thënë se turmat në aeroport duhet të kthehen në shtëpi dhe siguria e tyre është e garantuar.
Gjithashtu, ai tutje ka shtuar se SHBA -ja po vazhdon t’i ftojë njerëzit në aeroport për të hipur në aeroplanë, shkruan BBC.
“Mos i inkurajoni afganët të largohen … Ne kemi nevojë për talentin e tyre”, ka thënë Mujahid.
Ai ka shtuar se mediat afgane, spitalet, shkollat, universiteti dhe qeveria lokale po punojnë përsëri.