Ahmeti veçoi qasjen e gabuar të Qeverisë

Ahmeti ankohet te deputetët belg për politikën e jashtme të Qeverisë

Kryetari i Komunës së Prishtinës, Shpend Ahmeti, sot priti në takim një delegacion të deputetëve nga pjesa frankofone e Belgjikës, ku u diskutua për projektet e realizuara në komunë si dhe për problemet me të cilat ballafaqohemi si shtet.

Duke folur për Prishtinën, Ahmeti numëroi 11 zotimet e realizuara për 3 vite, nga 12 sa ishin gjithsej, duke filluar nga furnizimi me ujë, reforma në transport publik, dyfishimi i numrit të çerdheve, reforma në shëndetësi e arsim, trajtimi i barabartë dhe hapja e komunës ndaj qytetarëve. Gjithashtu, u diskutua për luftimin e korrupsionit dhe krimit të organizuar në Prishtinë, me theks të veçantë tek ndalja e kaosit urbanistik, ka bërë të ditur Komuna e Prishtinës përmes një komunikate për media.

Nga problemet kryesore të shtetit të Kosovës, Ahmeti veçoi qasjen e gabuar të Qeverisë sonë, sidomos në politikë të jashtme, si dhe nivelin e lartë të korrupsionit dhe papërgjegjësisë institucionale.

Deputetët e pranishëm në këtë takim vlerësuan lart punën e Komunës së Prishtinës dhe shprehën interesim për bashkëpunim të mëtutjeshëm, duke i ngritur temat problematike të shtetit tonë në institucionet ku veprojnë.

Artikuj të ngjashëm

Shikoni Gjithashtu
Close
Back to top button
close button