Aksident në Fier, katër të lënduar

Një aksident trafiku me disa të lënduar ka ndodhur këtë të shtunë në aksin Fier – Roskovec, në vendin e njohur si “Kthesa e Verbasit”.

Dy automjete janë përplasur me njëra-tjetrën, duke mbetur të lënduar katër persona që ndodheshin në mjetet përkatëse.

Të lënduarit janë transportuar me urgjencë drejt Spitalit Rajonal Fier, ku po marrin trajtimin mjekësor.

Ndërkohë, policia dhe grupi hetimor ndodhen në vendngjarje për të përcaktuar shkaqet dhe rrethanat e aksidentit./vizionplus.tv