Aksident zingjiror në rrugën Prishtinë-Ferizaj, dy të lënduar

Një aksident zingjiror ka ndodhur mëngjesin e sotëm në rrugën Prishtinë-Ferizaj.

Këtë për portalin rtv21.tv e ka konfirmuar zëdhënësja e policisë e rajonit të Prishtinës, Flora Ahmeti.

Si pasojë e aksidentit sipas Ahmetit janë lënduar dy persona.

“Sot rreth orës 09:00 kemi pranuar informatën se në rrugën Prishtinë -Ferizaj, ka ndodhur një aksident trafiku me lëndime. Në këtë aksident kanë qenë të përfshira gjashtë automjete (2 prej tyre në lëvizje ndërsa 4 të parkuara).
Si pasojë e aksidentit janë lënduar dy persona. Me rastin po merren zyrtarët e trafikut rajonal”, tha Ahmeti. /21Media