Aksidenti i policëve në Veri, dy prej tyre janë transferuar në QKUK
(Lajm i përditësuar)
Aksidenti i policëve në Veri, dy prej tyre janë transferuar në QKUK
Dy policë të lënduar në aksidentin me autoblindë në Graboc janë dërguar në QKUK për trajtim, ndërsa edhe dy të tjerë pritet të nisen për pak.
Kështu ka bërë të ditur zëdhënësja e Spitalit të Mitrovicës, Nita Mustafa-Hakaj.
Tetë policët e lënduar në aksidentin në veri po trajtohen në Emergjencën e Mitrovicës
Tetë policët e lënduar nga aksidenti në fshatin Grabovc të Leposavqit po trajtohen në emergjencën e spitalit të Mitrovicës.
Kjo u bë e ditur për portalin rtv21.tv nga zëvendësdrejtori i Policisë së Kosovës për veri, Veton Elshani.
“”Rreth orës 20.00 në fshatin Grabovc ka ndodh një vet aksident ku është involvuar një mjet i blinduar i policisë dhe disa polic.
Ka të lënduar por gjendja e tyre është stabile (sipas mjekëve).Të lënduarit janë në spitalin rajonal Mitrovica Jugu” tha Elshani.
Aksidentohet autoblinda e Policisë së Kosovës në veri, lëndohen disa policë
Disa pjestarë të Policisë së Kosovës kanë mbetur të lënduar pasi që një autoblindë e Policisë së Kosovës është përfshirë në një aksident komunikacioni në veri të Kosovës.
Për media aksidentin e ka konfirmuar zëvendësdrejtori i Policisë së Kosovës për veri, Veton Elshani.
Nuk ka ende informata zyrtare për gjendjen e policëve të lënduar./21Media