Aksidentohet autobusi me targa shqiptare në Kroaci, raportohet për një të vdekur
Një autobus me targa shqiptare është aksidentuar pak para mesnate në Kroaci, duke shkaktuar vdekjen e një personi dhe plagosur të paktën 8 të tjerë.
Aksidenti është regjistruar në aksin Split-Zagreb, kur autobusi ka dalë nga rruga dhe është përmbysur në anë të rrugës.
Sipas informacioneve paraprake, personi që ka humbur jetën është një pasagjer 41-vjeçar, ndërkohë që të plagosurit janë transportuar në spitalet pranë, ku ndodhen në kujdesin e mjekëve.
Mësohet se autobusi i përmbysur është me targa ‘AB 802CT’ dhe drejtohej nga një 58-vjeçar.
Aksidenti bllokoi përkohësisht autostradës në drejtim të Zagrebit, teksa ndërhyrja e autoriteteve bëri të mundur hapjen e aksit për qarkullim.
Shkak për aksidentin mendohet të ketë qenë bora në rrugë, por nuk përjashtohet dhe mundësia e një përgjumje të drejtuesit të tij./A2
Dëshiron ta dëgjosh këtë lajm me zë?