Aksion në Pejë, mish i prishur gjithandej
Mbi 400 kilogramë mish i prishur
Policia e Kosovës në Pejë, përkatësisht njësiti hetimeve, dje rreth orës 11:45 në rrugën “Konferenca e Bujanit” në Pejë, kanë zbatuar urdhëresën e gjykatës themelore-Pejë, me ç’rast është bastisur mishtorja ‘Qingji’ me lokale përcjellëse, në prezencën e pronarit dyshuar A. Zh. (1977) dhe bashkëpronarit dyshuari A. Zh.(1974).
Gjatë bastisjes është hasur në një sasi të mishit rreth 1 mijë e 178 kilogramë mish i cili nuk kishte vula të agjensionit të ushqimit dhe veterinës, si dhe nuk posedonin dokumentacion që dëshmon prejardhjen e mishit. Sipas një njoftimi për media mishi ka qenë një pjesë i përpunuar.
Në vendin e ngjarjes kanë dalë edhe inspektoret e agjencisë së ushqimit dhe veterinës, të cilët kanë bërë inspektimin e tij dhe kanë gjetur mangësi. Të njëjtit në vendin e ngjarjes kanë përpiluar procesverbalin, për një sasi të mishit prej rreth 452.6 kg që kundërmonte erë të rëndë dhe kishte ngjyrë jo normale. E gjithë sasia prej 1 mijë e 178 kg është asgjësuar me urdhër të inspektorëve nga ana e punëtoreve të kompanisë ‘Ambienti’ në prezencë të Policisë.
Për rastin është informuar edhe prokurori kompetent dhe i dyshuari parë A. Zh.(1977) ndalohet për 48 orë, ndërsa i dyshuari dytë lirohet në procedurë të rregulltë.
Po ashtu me datë 7 shkurt rreth orës 19:45 në fshatin Vitomiricë të Pejës Pejë njësiti i hetimeve të stacionit policor, për deri ishin në asistim të inspektorëve të agjensionit të ushqimit dhe veterinës, kanë shkuar në stallën e të dyshuarit A.H.(1982), aty kanë hasur tri lopë të therura, të cilat nuk kanë pasur vulë të AUV-së dhe për ketë arsye të njëjtat nuk kanë qenë të therura në mënyrë të rregullt.
Për ketë arsye nga ana e inspektoreve i është shqiptuar fletëparaqitja të dyshuarit në vendin e ngjarjes. Vendi ku kanë qene gjedhet e vendosura iu ka vendos bllomba derës së hyrjes deri sa të tërhiqet mishi nga aty për asgjësim.
I dyshuari është intervistuar nga njësiti i hetimeve. Për rastin është informuar prokurori dhe me vendim të tij, personi i dyshuar ndalohet për 48 orë./21Media